राष्ट्रिय प्रशिक्षक तथा सहायक राष्ट्रिय प्रशिक्षकहरुको दीक्षान्त सम्पन्न

राष्ट्रिय प्रशिक्षक तथा सहायक राष्ट्रिय प्रशिक्षकहरुको दीक्षान्त सम्पन्न

नेपाल स्काउटका राष्ट्रिय प्रशिक्षक तथा सहायक राष्ट्रिय प्रशिक्षकहरुको दीक्षान्त सम्पन्न भएको छ । राष्ट्रिय संयोजक लोक बहादुर भण्डारीले पार्क भिलेज रिसोर्टमा आयोजित बिशेष समारोहमा ३१ जना प्रशिक्षकहरुलाई दीक्षित गर्नुभएको हो । नेपाल स्काउटले सञ्चालन गरेको ऐतिहासिक पहिलो राष्ट्रिय प्रशिक्षक तालिममा सहभागी २६ तथा विभिन्न समयमा सम्पन्न सहायक राष्ट्रिय प्रशिक्षक तालिममा सहभागी भई प्रक्रिया पूरा गरेका ५२ जनाको नतिजा प्रकाशित भए अनुसार यो विशेष दीक्षान्त समारोह आयोजना गरिएको थियो ।

कार्यक्रमलाई सम्बोधन गर्दै राष्ट्रिय संयोजक लोक बहादुर भण्डारीले दक्ष प्रशिक्षक तयार गर्ने कामलाई प्राथमिकतामा राखी ऐतिहासिक रुपमा तालिमहरु आयोजना गरिएकोले दीक्षा प्राप्त गर्नुहुने प्रशिक्षकहरुबाट दक्ष प्रशिक्षकको कमी पूरा हुने विश्वास व्यक्त गर्नुभयो । साथै, स्काउटलाई देशभरमा विकास र विस्तार गर्न आवश्यक पर्ने जनशक्ति तयार गर्न पनि प्रशिक्षकहरुको भूमिका महत्वपूर्ण हुने हुँदा नेपाल स्काउटको उक्त आवश्यकता अनुसार तयार रहन पनि नव दीक्षित प्रशिक्षकहरुलाई निर्देशन दिनुभयो ।
कार्यक्रममा नेपाल स्काउट राष्ट्रिय तदर्थ समिति सदस्य शिव बहादुर भण्डारी, निर्देशक राम प्रसाद भट्टराईले दीक्षित प्रशिक्षकहरुलाई सम्बोधन गर्नुभएको थियो । कार्यक्रममा राष्ट्रिय प्रशिक्षक देवराज घिमिरे लगायत कर्मचारीहरुको उपस्थिति रहेको थियो ।